C’è un detto paesano, quando le quarantore iniziavano sotto le feste natalizie, che diceva così: ”S’ammiscaru virciddati e maccarruna”, che gli anziani amavano ripetere, per ricordare, appunto, le due ricorrenze: il Natale e la vicina Quaresima”. La Pasqua del 2018 ricade il primo Aprile.
Int,nto, con i suoi versi ci pensa don Salvatore Callari a descrivere tale periodo:
Li quaranturi a Mussumeli
*Mancu à passatu ‘a festa di Natali
Cu lu bamminu ancora sull’artari
Tecchia di nivi ‘ncapu li canali
La genti s’accumincia a priparari.
Timpi d’invirnu cu tanti jlati
E nu’ ‘nteressa si su’ timpi duri
E si li friddu lassa assantumati
* E la campana sona a tutti l’uri
La chiesa è tutta bella e arrizzittata
“viniti a visitari lu Signori
Ca la jurnata iè santificata”.
Iè ‘na viduta ca nni fa priari
D’amuri è certu ‘na vera fragranza
Cchiù migliu d’accussì nun si po’ fari.
* E’ lu timpu di li quaranturi;
Iè ricurdu lassatu di l’antichi
Nun si scorda pirchì fa tantu onuri
A tuttu lu paisi granni e nichi.
* Si senti lu bisugnu di priari
‘na bella usanza tutta paisana
Si va pi lu piaciri d’ascuntari
Senza scantu di acqua e tramontana.
*Si inchi la chiesa si prega e si canta
E lu cori s’allarga e si arricria
A tutti piaci ca iè cosa santa
Comu fussi d’angiuli armonia .
* Si loda lu divinu Sacramentu
E la vuci divota nun si stanca
Ca lu Signori resta sempri attentu
E la la gioia nn ‘u cori nun ni manca .
*E c’è la missa e la comunioni
D’ ‘a vita ‘eterna duna la caparra
Si iè fatta cu fidi e devozioni;
Iè parola di Cristu ca nu’ sgarra.
*Li vespri di la sira su’ ‘na festa
Cantanu tutti cu lu cori ‘n manu
Cu tanta gioia ca si manifesta
Comu ci attocca a un veru cristianu.
*Quannu si spingi ‘a spera e binidici
La genti cala ‘a testa e resta muta
E a lu Signori cu ‘u cori ci dici:
“ ‘un ti scurdari di ‘st’armuzza spruta.”
*Ci su’ ‘i jorna d’ ‘a prucissioni
Si accompagna ‘u Signori ca firria
Pi ‘n’antra chiesa e dda li funzioni
Rinnovanu la stessa liturgia.
*Ci su’ banneri, stinnardi, tammura,
pi gloria di Cristu, certamenti,
e macari pi far bella figura,
‘un si sa’ mai, pi ucchiu di la genti.
Chista è usanza di la fidi antica
E pi la vita nun vi la scurdati
Di chistu lu Signori s’allammica .
*Nun vi meraviglati s ‘è un misteru,
Iè veru chiddu chi nn’annu ‘nsignatu
E ci cridimu cu’ cori sinceru
Ca iè ‘a prova di Cristu ‘nnamuratu .
*Li quaranturi su’ ‘na vera festa
Di la fidi chi a Cristu duna gloria
Tutti speriamu ca sempri ‘nn’arresta
Cumu lu stemma di la nostra storia.
Don Salvatore Callari